Ё.Басхүүгийн барилдаануудын видео

Завхан аймгийн Нөмрөг сумын харьяат, Үндэсний шигшээ баг, Хил хамгаалах ерөнхий газрын “Хилчин” спорт хороо, “Спорт менежмент” компаний тамирчин ОУХМ Ёндонпэрэнлэйн Басхүү “Чиндао-2019” World Masters тэмцээнээс хүрэл медаль хүртлээ. Тэрбээр энэ удаад Екатринбургийн Их дуулгын аварга Францын Киллиан Ле Блочыг нэмэлт цагт буюу 5:37 минутад торгуулиар ялаад шилдэг наймд шалгарахын төлөө БНХАУ-ын Шү Зияныг вазаригаар ялжээ. Эхний тойрогтоо ДАШТ-ий тавдугаар байрт Бразилийн Даниэл Кагнинийг ялсан хятад залууг манай бөх үндсэн цагт хоёр торгуулиар илүүрхэж явсан бөгөөд нэмэлт цаг эхлээд 1:06 минутад вазаригаар буулгажээ. Харин хэсгийн аваргын төлөө түрүүлэх ерөөлтэй Италийн Мануэль Ломбардод 45 сэкундэд цэвэр буусан.

Улмаар торгуулийн тойрогт ДАШТ-ий нэг алт, нэг мөнгө, 4 хүрэл медальтай Украины амьд домог Георгий Зантараятай барилдаж, 3:38 минутад баруун хутгах мэхээр яллаа. Хүрэл медалийн төлөө тэрбээр Мастерс тэмцээний мөнгө, хүрэл медальтай Израйлын Барух Шмайловыг 4:47 минутад буюу нэмэлт цагт вазаригаар ялснаар анхны “World Masters”-аасаа хүрэл медаль хүртлээ. Ингэснээр тэрбээр IJF-ийн дэлхийн цувралаас 7 дахь хүрэл медалиа, хүртлээ. Энэ онд Ё.Басхүү Дюссельдорф, Бакугийн Гранд Слам, Ази, Номхон далайн орнуудын АШТ, Хөх хотын Гран Прид хүрэл медаль хүртсэн амжилтаар 2019 оныг үдэж байгаа бөгөөд дэлхийн чансааны есдүгээрт бичигдэж байна.

Ё.Басхүү эхний тойрогт

Ё.Басхүү хоёрдугаар тойрогт

Ё.Басхүү гуравдугаар тойрогт

Ё.Басхүү торгуулийн тойрогт

Ё.Басхүү хүрэл медалийн барилдаан


Сэтгэгдэл бичих

Бусад мэдээ